نهاية ديانة الإخوان الضالة :::نهضة ورابعة

نهاية ديانة الإخوان الضالة ::: نهضة ورابعة

هيا دي رابعة ونهضة يا بنا ؟

نارهم قايدة باسم الجنة !...

كل جريمة باسمك نهضة !

مهما تخالف شرع وسنة !...

تقتل تدبح باسم أصولك

وتفجر ناس من أمُتنا !...

وولادك ينتحروا بأمرك

والدم اللي يسيل منا أحنا !...

وتصدر أطفال بكفنهم !

و تصدر نسوان يا سي بنا !...

وتحرض مسلم على مسلم !

بأوامرك دبحم أجنادنا !...

وأسأل بلتاجي مع صفوت

مين دا اللي ف سينا مفجرنا !...

ومنصة رابعة والنهضة

بتنادي عدو يدبحنا !...

بتنادي أوباما مع ميركل

والناتو وصهيون أعدائنا !...

والقرضاوي أهو أعلن حربك

ضد الجيش المصري بتاعنا !...

وأدي حسان من بعد سُكاتهُ

بيحرض ع الجيش قدامنا !...

وبأمرك سي بديع ولعها

علشان قال لازم يحمكنا !...

واحد من اولاد البنا

مرسي اللي يأخون ف كتابنا!...

لازم تبقا أصول البنا

دستور مصر ودين لحياتنا !...

شوفي يا رابعة وشوفي يا نهضة

مهما يكون جبروتك فأحنا ...

حالفين والله ما يرجع تاني

شرع البنا يدوس إسلامنا ...

ولا راح يرجع مفسد فيكم

تاني يحرف معنى كتابنا ...

ولا يعملي البنا نبيكم

هوه محمد بس إمامنا ...

ولا فيش فيها رسايل بنا

مفهاش غير قرءان والسنة ...

هيا دي أخرت بدعة بدعها

ضال مُضل ولقبه البنا ...

بانت كل ضلالة عملها

وعقيدة أتفضحت وشيطانها ...

كل ولاد البنا خوارج

بيحاربوا الريس ف بلدنا ...

والتكفير شغال على ودنو

شعب و شرطة وجيش أولادنا ...

وأحنا مع الريس والسيسي

كل الشعب جنود لبلدنا ...

وإن كان مش عاجبك وولادك

تبقا مُباهلة هتفصل بينا ...